Hvað er Eurodesk?

Eurodesk Brussels Link (EBL) er samræmingaraðili netsins og virkar einnig sem framkvæmdastjóri Eurodesk vörumerkisins. Hlutverk þess er að veita stuðning við starfsemi og framkvæmd Eurodesk í mismunandi löndum og auðvelda samskipti um yfirstandandi verkefni bæði innanhúss og gagnvart almenningi. EBL gefur því reglulega út upplýsingar, en hefur einnig frumkvæði að og samræmir kynningarherferðir og verkefni á evrópskum vettvangi sem síðan eru framkvæmdar í Eurodesk löndunum 36.

Landsskrifstofur Eurodesk eru 38 talsins og þar starfa fulltrúar hvers lands við verkefni Eurodesk á landsvísu ásamt því að stuðla að samhæfingu og samvinnu. Landskrifstofur styðja við innlenda samstarfsaðila í skipulagi á viðburðum, auk þess að miðla upplýsingum um málefni ungmenna til þeirra. Á landsvísu hafa fulltrúarnir einnig umsjón með Evrópsku ungmennagáttinni og skipuleggja landsviðburði og herferðir í tengslum við hana. Hlutverk þeirra er einnig að gefa út upplýsingar þegar það á við.

Samstarfsaðilar Eurodesk eru yfir 1100 í 36 löndum um alla Evrópu. Þeir eru oftast kallaðir multipliers eða margfaldarar og eru yfirleitt staðbundin samtök (t.d. æskulýðsfélög, félagsmiðstöðvar, sveitarfélög) en þrátt fyrir fjölbreytni þeirra er kjarninn í hlutverki þeirra sá sami. Margfaldarar eru einn mikilvægasti þátturinn innan Eurodesk netsins, því þeir eru í samskiptum við ungt fólk augliti til auglitis á viðburðum og í herferðum sem þeir skipuleggja. Margfaldarar sjá til þess að þær upplýsingar um hreyfanleika sem safnað er í Eurodesk netið nái til ungs fólks, sem síðan fær ráðgjöf sem byggist á persónulegum þörfum þeirra.