Teiknimyndasamkeppni í tilefni af 25 ára afmæli Peking-sáttmálans.
UN Women, framkvæmdastjórn Evrópusambandsins, ásamt Belgíu, Frakklandi og Mexíkó, í samvinnu við Cartooning for Peace hafa sett á fót teiknimyndasamkeppni sem hluta af herferðinni „Generation Equality: Realizing women’s rights for an equal future“. Herferðin er undirbúningur fyrir alþjóðlega ráðstefnu í París um jafnrétti kynjanna, Generation Equality Forum, sem er ríkisstjórnir Frakklands og Mexíkó fara fyrir í samstarfi við ýmsar stofnanir.
Peking sáttmálinn og aðgerðaráætlun hans fagna í ár 25 ára afmæli sínu. Sáttmálinn hefur verið talinn einn sá framsæknasti til að efla réttindi kvenna. Sáttmálinn er enn í dag nýttur sem leiðarvísir fyrir jafnrétti kynjanna og til að stuðla að mannréttindum kvenna og stúlkna um allan heim.
Kynntu þér sáttmálann og fáðu innblástur: Í sáttmálanum eru 12 atriði nefnd sem eru áhyggjuefni (12 critical areas of concern) sem verkið þarf að vera skírskotun í. Verkið á að vera teiknuð mynd eða teiknimyndasaga og má ekki innihalda orð.
Þátttökuskilyrði
- Vera á aldrinum 18 til 28 ára
- Trúa á jafnrétti kynjanna
- Vilja miðla þinni hugmynd um jafnréttiskynslóðina (gender equal generation)
Sigurvegararnir fá peningaverðlaun og þeim verður boðið að vera viðstaddir sýndaropnun ráðstefnunnar í París.
Frestur til að senda inn teikningar er 14. mars 2021.
Kynntu þér málið og sendu inn þína mynd hér.
